Propulit ut classem velis cedentibus Auster
incumbens mediumque rates movere profundum,
omnis in Ionios spectabat navita fluctus:
solus ab Hesperia nōn flexit lumina terra
Magnus, dum patrios portus, dum litora numquam
5ad visus reditura suos tectumque cacumen
nubibus et dubios cernit vanescere montis.[ 1 add ]
[ hide ]
inde soporifero cesserunt languida somno
membra ducis; diri tum plena horroris imago
visa caput maestum per hiantis Iulia terras
10tollere et accenso furialis stare sepulchro.[ 2 add ]
[ hide ]
'sedibus Elysiis campoque expulsa piorum
ad Stygias’ inquit ‘tenebras manesque nocentis
post bellum civile trahor.[ 3 add ]
[ hide ]
vidi ipsa tenentis
Eumenidas quaterent quas vestris lampadas armis;
15praeparat innumeras puppes Acherontis adusti
portitor; in multas laxantur Tartara poenas;
vix operi cunctae dextra properante sorores
sufficiunt, lassant rumpentis stamina Parcas.[ 4 add ]
[ hide ]
coniuge me laetos duxisti, Magne, triumphos:
20fortuna est mutata toris, semperque potentis
detrahere in cladem fato damnata maritos
innupsit tepido paelex Cornelia busto.[ 5 add ]
[ hide ]
haereat illa tuis per bella per aequora signis,
dum nōn securos liceat mihi rumpere somnos
25et nullum vestro vacuum sit tempus amori
sed teneat Caesarque dies et Iulia noctes.[ 6 add ]
[ hide ]
me nōn Lethaeae, coniunx, oblivia ripae
immemorem fecere tui, regesque silentum
permisere sequi.[ 7 add ]
[ hide ]
veniam te bella gerente
30in medias acies.[ 8 add ]
[ hide ]
§