Medea Di coniugales tuque genialis tori,
Lucina, custos quaeque domituram freta
Tiphyn nouam frenare docuisti ratem,
et tu, profundi saeue dominator maris,
clarumque Titan diuidens orbi diem,
tacitisque praebens conscium sacris iubar
Hecate triformis, quosque iurauit mihi
deos Iason, quosque Medeae magis
fas est precari: noctis aeternae chaos,
auersa superis regna manesque impios
dominumque regni tristis et dominam fide
meliore raptam, uoce non fausta precor.[ 1 add ]
[ hide ]
nunc, nunc adeste sceleris ultrices deae,
crinem solutis squalidae serpentibus,
atram cruentis manibus amplexae facem,
adeste, thalamis horridae quondam meis
quales stetistis: coniugi letum nouae
letumque socero et regiae stirpi date.[ 2 add ]
[ hide ]
Num peius aliquid?[ 3 add ]
[ hide ]
quod precer sponso malum?[ 4 add ]
[ hide ]
uiuat; per urbes erret ignotas egens
exul pauens inuisus incerti laris,
iam notus hospes limen alienum expetat; a, b
me coniugem opto, quoque non aliud queam a, b
peius precari, liberos similes patri
similesque matri + + parta iam, parta ultio est:
peperi.[ 5 add ]
[ hide ]
Querelas uerbaque in cassum sero?[ 6 add ]
[ hide ]
non ibo in hostes?[ 7 add ]
[ hide ]
manibus excutiam faces
caeloque lucem + + spectat hoc nostri sator
Sol generis, et spectatur, et curru insidens
per solita puri spatia decurrit poli?[ 8 add ]
[ hide ]
non redit in ortus et remetitur diem?[ 9 add ]
[ hide ]
da, da per auras curribus patriis uehi,
committe habenas, genitor, et flagrantibus
ignifera loris tribue moderari iuga:
gemino Corinthos litori opponens moras
cremata flammis maria committat duo.[ 10 add ]
[ hide ]
§