Conticuere omnes intentique ōra tenebant
inde toro pater Aeneas sīc orsus ab alto:
Infandum, rēgīna, iubes renovare dolorem,
Troianas ut opes et lamentabile regnum
eruerint Danai, quaeque ipse miserrima vidi
5et quorum pars magna fui.[ 1 add ]
[ hide ]
quis talia fando
Myrmidonum Dolopumve aut duri miles Ulixi
temperet ā lacrimis?[ 2 add ]
[ hide ]
et iam nox umida caelo
praecipitat suadentque cadentia sidera somnos.[ 3 add ]
[ hide ]
sed sī tantus amor casus cognoscere nostros
10et breviter Troiae supremum audire laborem,
quamquam animus meminisse horret luctuque refugit,
incipiam.[ 4 add ]
[ hide ]
fracti bello fatisque repulsi
ductores Danaum tot iam labentibus annis
instar montis equum divina Palladis arte
15aedificant, sectaque intexunt abiete costas;
votum pro reditu simulant; ea fama vagatur.[ 5 add ]
[ hide ]
huc delecta virum sortiti corpora furtim
includunt caeco lateri penitusque cavernas
ingentis uterumque armato milite complent.[ 6 add ]
[ hide ]
20est in conspectu Tenedos, notissima fama
insula, dives opum Priami dum regna manebant,
nunc tantum sinus et statio male fida carinis:
huc se provecti deserto in litore condunt;
nos abiisse rati et vento petiisse Mycenas.[ 7 add ]
[ hide ]
25ergo omnis longo soluit se Teucria luctu;
panduntur portae, iuvat ire et Dorica castra
desertosque videre locos litusque relictum:
hic Dolopum manus, hic saevus tendebat Achilles;
classibus hic locus, hic acie certare solebant.[ 8 add ]
[ hide ]
30pars stupet innuptae donum exitiale Minervae
et molem mirantur equi; primusque Thymoetes
duci intra muros hortatur et arce locari,
sīve dolo seu iam Troiae sīc fata ferebant.[ 9 add ]
[ hide ]
§