Sīc fatur lacrimans, classique immittit habenas
et tandem Euboicis Cumarum adlabitur ōris.[ 1 add ]
[ hide ]
obvertunt pelago proras; tum dente tenaci
ancora fundabat navis et litora curvae
praetexunt puppes.[ 2 add ]
[ hide ]
iuvenum manus emicat ardens
5lītus in Hesperium; quaerit pars semina flammae
abstrusa in venis silicis, pars densa ferarum
tecta rapit silvas inventaque flumina monstrat.[ 3 add ]
[ hide ]
at pius Aeneas arces quibus altus Apollo
praesidet horrendaeque procul secreta Sibyllae,
10antrum immane, petit, magnam cui mentem animumque
Delius inspirat vates aperitque futura.[ 4 add ]
[ hide ]
iam subeunt Triviae lucos atque aurea tecta.[ 5 add ]
[ hide ]
Daedalus, ut fama est, fugiens Minoia regna
praepetibus pennis ausus se credere caelo
15insuetum per iter gelidas enavit ad Arctos,
Chalcidicaque levis tandem super astitit arce.[ 6 add ]
[ hide ]
redditus his primum terris tibi, Phoebe, sacravit
remigium alarum posuitque immania templa.[ 7 add ]
[ hide ]
in foribus letum Androgeo; tum pendere poenas
20Cecropidae iussi (miserum!)[ 8 add ]
[ hide ]
septena quotannis
corpora natorum; stat ductis sortibus urna.[ 9 add ]
[ hide ]
contra elata mari respondet Cnosia tellus:
hic crudelis amor tauri suppostaque furto
Pasiphae mixtumque genus prolesque biformis
25Minotaurus inest, Veneris monimenta nefandae,
hic labor ille domus et inextricabilis error;
magnum rēgīnae sed enim miseratus amorem
Daedalus ipse dolos tecti ambagesque resolvit,
caeca regens filo vestigia.[ 10 add ]
[ hide ]
tū quoque magnam
30partem opere in tanto, sineret dolor, Icare, haberes.[ 11 add ]
[ hide ]
bis conatus erat casus effingere in auro,
bis patriae cecidere manus.[ 12 add ]
[ hide ]
§